Leo Trotzki

Dr Lew Trozki (russisch Лев Троцкий, wiss. Transliteration Lev Trockij, Pseudonym vu Lew Dawidowitsch Bronstein / Лев Давидович Бронштейн / Lev Davidovič Bronštejn, im dytsche Sprochruum zmaischt Leo Trotzki gschribe; * 26. Oktober^jul./7. November^greg. 1879 z Janowka, hit Bereslawka, Ukraine; † 21. August 1940 z Coyoacán, Mexiko) isch e kommunistische Bolitiker, russische Revolutionär un marxistische Theoretiker gsii. Är isch Volkskommissar vum Uuswärtige, fir Chriegswäse, Ernehrig, Transport, Verlagswäse und Grinder un Organisator vu dr Roten Armee gsii. No ihm isch dr Trotzkismus gnännt, e Richtig vum Marxismus-Leninismus, wu vu dr friejere sowjetische Barteilinie abwycht. Är isch vum Josef Stalin anne 1927 entmachtet un 1929 in s Exil drobe wore. Anne 1940 het en z Mexiko e sowjetische Agänt umbrocht.